10 nəfərin öldüyü məktəblə bağlı yeni QƏRAR VERİLDİ

Kahramanmaraşın Onikişubat rayonunda aprelin 15-də baş verən və 1 müəllim ilə 9 şagirdin həyatını itirdiyi silahlı hücumdan sonra bağlanan Ayser Çalık orta məktəbi ilə bağlı yeni qərar qəbul edilib.

hadiseler.info xəbər verir ki, hücumun baş verdiyi məktəb binası Kahramanmaraş Valiliyinin qərarı ilə bundan sonra Onikişubat Rayon Milli Təhsil Müdirliyinin inzibati binası kimi fəaliyyət göstərəcək.

Eyni ərazidə isə yeni məktəb binasının tikilməsi planlaşdırılır.

Xatırladaq ki, aprelin 15-də Ayser Çalık orta məktəbində baş verən silahlı hücum nəticəsində riyaziyyat müəllimi, 56 yaşlı Ayla Kara ilə yanaşı, şagirdlər – 11 yaşlı Belinay Nur Boyraz, Adnan Göktürk Yeşil, Almina Ağaoğlu, Bayram Nabi Şişik, Furkan Sancak Balal, Kerem Erdem Güngör, 12 yaşlı Yusuf Tarık Gül, Şuranur Sevgi Kazıcı və 11 yaşlı Zeynep Kılıç həyatını itirib. Hücum zamanı 15 şagird yaralanıb.

Hadisədən sonra şagirdlərin psixoloji vəziyyəti və valideynlərin tələbləri nəzərə alınaraq Kahramanmaraş Valiliyi tərəfindən məktəbin müvəqqəti olaraq bağlanmasına qərar verilib. Şagirdlər isə təhsillərini Şəhid Tebernuş Özlər orta məktəbində davam etdiriblər.