Tərtərdə keçmiş məcburi köçkün güllələndi: 21 yaşlı gənc saxlanıldı

Tərtər rayonunda odlu silahdan açılan atəş nəticəsində bir nəfər ağır yaralanıb, hadisəni törətməkdə şübhəli bilinən şəxs dərhal saxlanılıb.

hadiseler.info xəbər verir ki, hadisə rayonun İrəvanlı kəndi ərazisində qeydə alınıb. Əslən Laçın rayonundan olan keçmiş məcburi köçkün, 1974-cü il təvəllüdlü Məzahir Yusifov hər iki ayağından odlu silahla güllələnib. Yaralı dərhal Tərtər Rayon Mərkəzi Xəstəxanasına çatdırılaraq əməliyyat olunub.

Polis əməkdaşları tərəfindən keçirilən operativ tədbirlər nəticəsində cinayət əməlini törətməkdə şübhəli bilinən 21 yaşlı Hüsən Mirzəzadə saxlanılaraq istintaqa təhvil verilib. Hadisənin hansı şəraitdə və nə səbəbdən törədilməsi ilə bağlı araşdırmalar aparılır.