Hindistanda 175 illik məbəd Qanq çayının sularına qərq oldu – VİDEO

Hindistanın Qərbi Benqaliya ştatında şiddətli daşqınlar nəticəsində tarixi məbəd dağılaraq çaya aşdı.

hadiseler.info xəbər verir ki, bu barədə “The Times of India” nəşri məlumat yayıb.

Qanq çayının kəskin daşması nəticəsində 175 illik qədim Şiva məbədi yerli sakinlərin gözü qarşısında dağılaraq sulara qərq olub. Bildirilir ki, ötən ildən bəri qəzalı vəziyyətdə olan tarixi tikili suyun səviyyəsinin kəskin qalxmasına və güclü axına tab gətirə bilməyib.

Mövcud fəlakətlə əlaqədar təhlükəsizlik tədbirləri çərçivəsində 2 minə yaxın sakin ərazidən təxliyə edilərək müvəqqəti olaraq məktəb binalarında yerləşdirilib.