Antalyada meşələr yanıb, evlər boşaldılıb- Video

Türkiyənin Antalya şəhərinin üç ayrı ərazisində meşə yanğınları baş verib.

hadiseler.info xəbər verir ki, Aksu, Kepez və Serik rayonlarında qeydə alınan yanğınlar qısa sürede yaşayış məntəqələrinə qədər irəliləyib.  

Alovun yaşayış sahələrinə keçməsi nəticəsində bölgədəki bir neçə ev yanıb, təhlükə altında olan digər evlərin sakinləri isə təhlükəsiz zonalara təxliyə edilib.  

Hadisə ərazisinə cəlb olunan yanğınsöndürmə qüvvələri tərəfindən alovların söndürülməsi üçün havadan və qurudan operativ müdaxilə işləri həyata keçirilib.