İzmirdə banka silahlı basqın edən şəxs 5 nəfəri girov götürdü – VİDEO

Türkiyənin İzmir şəhərində dəhşətli bank soyğununa cəhd hadisəsi baş verib.

hadiseler.info “NTV” telekanalına istinadən xəbər verir ki, Karabağlar rayonunda yerləşən bank şöbələrindən birinə daxil olan C.A. adlı silahlı şəxs təhlükəsizlik əməkdaşının silahını ələ keçirib. Daha sonra o, bankda çalışan 5 əməkdaşı girov götürüb.

Əraziyə dərhal xüsusi təyinatlı qruplar və mütəxəssis danışıqçılar cəlb olunub. Keçirilən əməliyyat nəticəsində girov saxlanılan bank əməkdaşları xilas edilib, şübhəli C.A. isə saxlanılıb.

İzmir Baş Prokurorluğu fakt üzrə təhqiqata başlayıb.