Şəmkirdə qəfildən alışan maşın hərəkətə gələrək digər avtomobilə çırpıldı –VİDEO

Şəmkir rayonunda növbədənkənar təhlükəli yanğın və qəza hadisəsi baş verib.

hadiseler.info xəbər verir ki, hadisə rayon ərazisində yerləşən şadlıq saraylarından birinin yaxınlığında qeydə alınıb.

Yol kənarında dayanmış “VAZ-21099” markalı minik avtomobili qəfildən alışıb. Hadisə yerinə dərhal Fövqəladə Hallar Nazirliyinin Dövlət Yanğından Mühafizə Xidmətinin Şəmkir Rayon Hissəsinin yanğınsöndürənləri cəlb edilib. Alevlər qısa müddətdə söndürülüb və nəqliyyat vasitəsinin qalan hissəsi yanğından mühafizə olunub.

Diqqətçəkən məqam isə avtomobilin yanar vəziyyətdə öz-özünə hərəkətə gəlməsi olub. Hərəkət edən nəqliyyat vasitəsi qarşısında park edilmiş digər avtomobilə çırpılaraq dayanıb.

Faktla bağlı müvafiq qurumlar tərəfindən araşdırma aparılır.