İsveçin Baş naziri istefa verdi

İsveçin Baş naziri Ulf Kristersson parlament seçkilərində müxalifət blokunun qələbə qazanmasından sonra vəzifəsindən istefa verdiyini bəyan edib.

hadiseler.info xəbər verir ki, hökumət başçısı bu barədə “X” sosial şəbəkəsindəki şəxsi hesabında məlumat paylaşıb. Kristersson parlament sədrinə ünvanladığı rəsmi məktubun mətnini də sosial şəbəkədə yayımlayaraq, baş nazir vəzifəsindən azad edilməsini xahiş etdiyini bildirib.

Qeyd edək ki, sentyabrın 13-də keçirilən parlament seçkilərinin nəticələrinə əsasən, Sosial-Demokrat Fəhlə Partiyası, Sol Partiya, Ətraf Mühitin Mühafizəsi Partiyası və Mərkəz Partiyasından ibarət mərkəz-solçu müxalifət bloku Riksdaqda 176 yer qazanıb. İqtidarda olan mühafizəkarlar bloku isə 173 mandat əldə edib. 349 nəfərlik parlament üzrə səslərin sayılması yekunlaşsa da, rəsmi nəticələrin yaxın günlərdə təsdiqlənəcəyi bildirilir.