Müğənni JONY adını və soyadını dəyişdi- FOTO

Milyonlarla dinləyicinin “Kamin” və “Kometa” hitləri ilə tanıdığı azərbaycanəsilli məşhur rusiyalı müğənni JONY ad və soyadını dəyişib.

hadiseler.info “Kp.ru”ya istinadən xəbər verir ki, sənəddə Cahid Əfrayıl əvəzinə artıq Massimo Torriçelli yazılıb.

Sənətçi Rusiya vətəndaşının xarici pasportunun skan olunmuş fotosunu sosial şəbəkələrdə paylaşsa da, bu qərarının səbəbini açıqlamayıb.

Qeyd edək ki, sənətçinin əsl adı Cahid Əfrayıl oğlu Hüseynlidir. 30 yaşlı müğənni Azərbaycanda anadan olsa da, dörd yaşından Rusiyada yaşayır. O, 2021-ci ildə NTV telekanalında yayımlanan “Maska” şousunun ikinci mövsümünün qalibi olub.