Lamin Yamal İspaniya La Liqasında tarixi rekorda imza atdı

İspaniya çempionatının VII turunda “Sevilya”nı 3:1 hesabı ilə məğlub edən “Barselona”nın gənc ulduzu Lamin Yamal möhtəşəm göstərici ilə diqqət mərkəzinə düşüb.

hadiseler.info xəbər verir ki, 19 yaşlı hücumçu La Liqada 2013/2014 mövsümündən bəri 50 məhsuldar ötürmə edən ən gənc futbolçu kimi rekorda imza atıb.

Sözügedən qarşılaşmada 2 asistlə yadda qalan L.Yamal, Kataloniya klubunun heyətində bütün turnirlərdə çıxdığı 159 matçda məhsuldar ötürmələrinin sayını 51-ə çatdırıb. Həmçinin, gənc forvard komandasının heyətində 57 qola da imza atıb.

19 yaş 68 günlüyündə bu göstəriciyə çatan idmançı, 2023-cü ildə 22 yaş 298 günlüyündə eyni uğuru qazanan “Real Madrid”in futbolçusu Vinisius Juniorun rekordunu yeniləyib.