Bu gün Beynəlxalq Sülh Günüdür

Sentyabrın 21-i bütün dünyada Beynəlxalq Sülh Günü kimi qeyd olunur.

hadiseler.info xəbər verir ki, bu əlamətdar gün BMT Baş Assambleyasının 1981-ci il 30 noyabr tarixli qərarı ilə təsis edilib.

Ənənəvi olaraq bu gün BMT-nin Nyu-Yorkdakı baş qərargahında yerləşən “Sülh zəngi”nin çalınması ilə başlayır. Beynəlxalq Sülh Günü müharibə və münaqişələrdən əziyyət çəkən insanların diqqətə çatdırılması, dünyada sülh və əmin-amanlığın təşviqi məqsədi taşıyır.

Azərbaycan da uzun illər münaqişənin sülh yolu ilə həllinə çalışıb. 2020-ci ildə Vətən müharibəsinin nəticələri regionda yeni reallıqlar yaradıb və Azərbaycanın ərazi bütövlüyü bərpa olunub. Hazırda Azərbaycan regionda davamlı sülhün və sabitliyin təmin olunmasını dövlət siyasətinin əsas istiqamətlərindən biri kimi müəyyənləşdirib.