Bakıda restoranda mühafizəçinin meyiti TAPILDI

Bakının Nizami rayonunda yerləşən restoranların birində ölüm hadisəsi qeydə alınıb.

hadiseler.info xəbər verir ki, hadisə Bəkir Çobanzadə küçəsində yerləşən iasə obyektində baş verib.

Bakı şəhər sakini, 1962-ci il təvəllüdlü Bəxtiyar Məmmədovun meyiti mühafizəçi kimi çalışdığı restoranda aşkarlanıb. Meyitə baxış keçirilərkən üzərində hər hansı zorakılıq əlamətləri müəyyən edilməyib.

Faktla bağlı aidiyyəti qurumlar tərəfindən araşdırma aparılır.