Azərbaycan üç ölkə ilə viza prosedurunu sadələşdirib – Sazişlər imzalandı

Azərbaycan Respublikası üç ölkə ilə diplomatik, xidməti və ümumvətəndaş pasport sahibləri üçün viza prosedurlarının sadələşdirilməsi barədə yeni sazişlər imzalayıb.

hadiseler.info xəbər verir ki, BMT Baş Assambleyasının 81-ci sessiyası çərçivəsində Azərbaycanın xarici işlər naziri Ceyhun Bayramov müxtəlif ölkələrdən olan həmkarları ilə görüşərək mühüm sənədlərə imza atıb.

Görüşlər çərçivəsində aşağıdakı sazişlər imzalanıb:

 Sent-Kits və Nevis: Xarici işlər naziri Denzil Luelin Daqlas ilə diplomatik və rəsmi/xidməti pasport sahiblərinin qarşılıqlı vizadan azad edilməsi haqqında saziş;

 Antiqua və Barbuda: Xarici işlər və ticarət naziri Everli Pol Çet Qrin ilə diplomatik/xidməti pasportlarla yanaşı, ümumvətəndaş pasportlarına malik şəxslərin də viza tələbindən qarşılıqlı azad edilməsi haqqında saziş;

 Benin: Xarici işlər naziri Korin Amori Brunet ilə diplomatik və xidməti pasport sahiblərinin qarşılıqlı vizadan azad edilməsi haqqında saziş.

İmzalanan sənədlər iki ölkə arasında rəsmi səfərləri asanlaşdırmaqla yanaşı, turizmin təşviqinə, diplomatik münasibətlərin genişlənməsinə və xalqlar arasında təmasların güclənməsinə xidmət edəcək.