2015-ci ildən sonra doğulanlara siqaret ömürlük qadağan edilə bilər

Türkiyədə tütün məhsulları ilə mübarizə çərçivəsində sərt qadağaları nəzərdə tutan yeni qanun layihəsi hazırlanır.

hadiseler.info xəbər verir ki, qanun layihəsinin hazırlanmasında iştirak edən professor Toker Ergüder Anadolu Agentliyinə müsahibəsində bildirib ki, layihə 2015-ci ildən sonra doğulan şəxslərə siqaret satışının ömürlük qadağan olunmasını nəzərdə tutur.

Mütəxəssis həmçinin ölkədə “slim” (nazik) siqaretlərin satışının dayandırılmasının da təklif edildiyini diqqətə çatdırıb. T.Ergüderin sözlərinə görə, Türkiyədə tütün istehlakı kəskin artıb; 2012-ci ildə 91 min ton (4,5 milyard paket) olan siqaret satışı 2025-ci ildə təxminən 160 min tona (8 milyard paket) çatacaq.

Qeyd edək ki, Ədalət və İnkişaf Partiyasının (AKP) Türkiyə Böyük Millət Məclisinə təqdim etməyə hazırlaşdığı bu layihə 2040-cı il yanvarın 1-dən tütün məhsullarının bazardan tam çıxarılmasını hədəfləyir.