Laçında traktor minaya düşdü

İşğaldan azad edilmiş Laçın rayonunun Fingə kəndi ərazisində sentyabrın 25-də mina partlayışı hadisəsi baş verib.

hadiseler.info xəbər verir ki, bu barədə Azərbaycan Respublikası Daxili İşlər Nazirliyi, Baş Prokurorluq və Minatəmizləmə Agentliyinin Mətbuat Xidmətləri birgə məlumat yayıb.

Ağcabədi rayon sakini, 1992-ci il təvəllüdlü Ülfət Saday oğlu Quliyevin minalardan təmizlənməmiş ərazidə idarə etdiyi traktor minaya düşüb. Sevindirici haldır ki, incident zamanı xəsarət alan olmayıb.

Faktla bağlı Laçın Rayon Prokurorluğunda araşdırmalar davam etdirilir.