Xarici İşlər Nazirliyi bəyanat yaydı

Azərbaycan Respublikasının Xarici İşlər Nazirliyi 27 sentyabr – Anım Gününə dair rəsmi bəyanat yayıb.

hadiseler.info xəbər verir ki, bəyanatda 27 sentyabr Anım Gününün növbəti ildönümündə Azərbaycanın müstəqilliyi, suverenliyi və ərazi bütövlüyü uğrunda canlarından keçmiş şəhidlərimizin əziz xatirəsi dərin ehtiram və minnətdarlıqla yad olunur.

Vurğulanıb ki, 2020-ci il sentyabrın 27-də başlayan və 44 gün davam edən Vətən müharibəsi Azərbaycanın müasir tarixində mühüm dönüş nöqtəsi olaraq ölkəmizin ərazi bütövlüyünün və suverenliyinin bərpası ilə nəticələndi. Bu tarixi nəticə Müzəffər Ali Baş Komandanın rəhbərliyi, xalqın həmrəyliyi və Azərbaycan Ordusunun qəhrəmanlığı sayəsində əldə edilib.

Bəyanatda həmçinin bildirilir ki, müharibədən sonrakı dövrdə Azərbaycan işğaldan azad edilmiş ərazilərin bərpası, mina təhlükəsinin aradan qaldırılması, keçmiş məcburi köçkünlərin doğma yurdlarına təhlükəsiz qayıdışı və itkin düşmüş şəxslərin taleyinin müəyyənləşdirilməsi istiqamətində ardıcıl tədbirlər həyata keçirir. XİN bütün şəhidlərimizə rəhmət, müharibə iştirakçılarına və qazilərə reduces cansağlığı arzulayıb.