Qazi aşpazın ölüm səbəbi bəlli oldu – Şüşəyə yumruq vurubmuş

Vətən müharibəsi qazisi, gənc aşpaz İlkin Baxışovun faciəvi ölümünün təfərrüatları məlum olub.

hadiseler.info xəbər verir ki, bədbəxt hadisə sentyabrın 26-sı gecə saat 01 radələrində Qobustan qəsəbəsində qeydə alınıb.

Məlumata görə, 1996-cı il təvəllüdlü İlkin Bayram oğlu Baxışov yaşadığı evdə şüşəni yumruqla sındırıb və nəticədə qol nahiyəsindən ağır xəsarət alıb. O, xəstəxanaya aparılarkən yolda qanitirmədən vəfat edib.

Azərbaycan Milli Kulinariya Assosiasiyasının prezidenti Tahir Əmiraslanov bildirib ki, İ.Baxışov bir müddət Qazaxıstanda fəaliyyət göstərib və təxminən 2 ay əvvəl Vətənə qayıdıbmış.

Faktla bağlı hüquq-mühafizə orqanları tərəfindən araşdırma aparılır.