Ermənistan parlamentində əlbəyaxa dava düşüb- VİDEO

Ermənistan Milli Məclisinin iclasında hakim “Vətəndaş müqaviləsi” partiyasının deputatları ilə “Güclü Ermənistan” partiyasının nümayəndələri arasında gərginlik yaşanıb və əlbəyaxa dava düşüb.

hadiseler.info xəbər verir ki, insident müxalifətçi deputat Edqar Kazaryanın çıxışı zamanı baş verib. Kazaryan parlamentin spikeri Ruben Rubinyanı dövlət vəsaitlərini israf etməkdə ittiham edib. Spiker çıxışın gündəlik çərçivəsindən kənara çıxdığını bildirərək onun sözünü kəsdikdə tərəflər arasında mübahisə yarandığı qeyd olunur.

Mübahisənin ardınca “Vətəndaş müqaviləsi”nin deputatı Vahe Qalumyan ilə “Güclü Ermənistan”ın deputatı Vaginak Vartano arasında əlbəyaxa dava başlayıb. Spiker R.Rubinyan iclasda fasilə elan etdikdən sonra parlamentin təhlükəsizlik əməkdaşları olaya müdaxilə ediblər.