Şimali Kiprdə gəminin batması nəticəsində ölənlərin sayı artdı

Şimali Kipr Türk Respublikasının (ŞKTR) Girne sahillərində “Filo Jet” sərnişin gəmisinin batması nəticəsində itkin düşən şəxslərin axtarış-xilasetmə əməliyyatları davam edir.

hadiseler.info xəbər verir ki, axtarışlar zamanı daha bir nəfərin cəsədi tapılıb və bununla da faciədə həyatını itirənlərin sayı 25-ə yüksəlib. Son tapılan cəsədin şəxsiyyətinin müəyyənləşdirilməsi üzrə prosedurlara başlanılıb, daha 3 itkin düşmüş şəxsin axtarışı isə davam etdirilir.

Daha əvvəl tapılan iki cəsədin DNT analizi nəticəsində Mahmut Demir və Özgür Gönülə məxsus olduğu müəyyən edilib.

Faciənin təfərrüatları və istintaq:

 Hadisənin baş verməsi: Girne limanı ilə Mersinin Taşucu limanı arasında hərəkət edən “Filo Jet” yüksəksürətli sərnişin gəmisi avqustun 30-da günorta saatlarında Girnedən yola düşdükdən qısa müddət sonra ön hissədən göyərtəyə su dolmağa başlayıb və geri qayıtmaya çalışarkən aşıb.

 Azərbaycan vətəndaşları: Gəminin göyərtəsində olan Azərbaycan vətəndaşları Valeh Hümmətov və Rəşad İbrahimov xilas ediliblər.

 Həbslər: Hadisə ilə bağlı aparılan istintaq çərçivəsində gəminin kapitanı və ekipaj üzvləri, o cümlədən 3 Azərbaycan vətəndaşı daxil olmaqla ümumilikdə 9 nəfər saxlanılaraq məhkəmə qarşısına çıxarılıb və barələrində həbs qətimkan tədbiri seçilib.

Faktla bağlı istintaq-axtarış tədbirləri davam edir.