Paşinyan Azərbaycan əsgərindən danışdı: “Həmin gün qaytara bilərdik”

Ermənistanın Baş naziri Nikol Paşinyan jurnalistlərlə söhbətində Zəngəzurda saxlanılan Azərbaycan Ordusunun hərbçisi ilə bağlı yeni açıqlama verib.

hadiseler.info xəbər verir ki, N.Paşinyan Azərbaycan əsgərinin qaydaları kobud şəkildə pozmadığı təqdirdə həmin gün geri qaytarıla biləcəyini iddia edib.

“Əgər Azərbaycan əsgəri qaydaları kobud şəkildə pozmasaydı, biz onu həmin gün qaytarardıq”, — deyə baş nazir bildirib.

Paşinyan həmçinin əlavə edib ki, baş verən bu hadisənin sülh prosesini təhlükə altına qoyacağını düşünmür: “Sülh prosesi artıq yaradılıb. Biz Şəkidəki hadisəni kiçiltmək fikrində deyilik, lakin dünənki parlament müzakirəsi məni dəhşətə gətirdi. Allah eləməsin, əgər hərbçilərimizdən biri səhvən Azərbaycan ərazisinə keçsə, həmin qiymətləndirmələrə necə reaksiya veriləcəyini görərik. Sonra da deyərlər ki, sülh elə bu idi?”