Masazırda 4 avtomobil yandı

Abşeron rayonunda bir neçə nəqliyyat vasitəsinin iştirakı ilə yanğın hadisəsi qeydə alınıb.

hadiseler.info xəbər verir ki, hadisə Masazır qəsəbəsində yerləşən “Yeni Bakı” yaşayış massivində baş verib. Məlumata görə, ərazidə park edilmiş dörd avtomobil birdən-birə alovlanıb.

Hadisə yerinə dərhal Fövqəladə Hallar Nazirliyinin (FHN) Dövlət Yanğından Mühafizə Xidmətinin canlı qüvvəsi və texnikaları cəlb olunub. Yanğınşöndürənlərin çevik müdaxiləsi sayəsində alov qısa müddətdə söndürülərək ətrafdakı digər nəqliyyat vasitələrinə keçməsinin qarşısı alınıb.

Hazırda yanğının başvermə səbəbləri və dəymiş ziyanın həcmi araşdırılır.