Gədəbəydə ailə avtoqəzaya düşdü — Ölən və yaralı var

Gədəbəy rayonunda bir ailənin xəsarət alması və ölümü ilə nəticələnən ağır yol-nəqliyyat hadisəsi baş verib.

hadiseler.info xəbər verir ki, hadisə rayonun Çanaqçı kəndi ərazisində qeydə alınıb.

Rayon sakini, 1989-cu il təvəllüdlü Şükür Yapon oğlu Ələkbərov “VAZ-2107” markalı avtomobillə hərəkətdə olarkən idarəetməni itirib və nəqliyyat vasitəsi yoldan çıxaraq aşıb.

Ağır qəza nəticəsində sürücünün həyat yoldaşı, 1993-cü il təvəllüdlü Səyyarə Əhliman qızı Ələkbərova aldığı xəsarətlərdən hadisə yerində dünyasını dəyişib. Sürücünün azyaşlı oğlu, 2016-cı il təvəllüdlü Əli Şükür oğlu Ələkbərov isə müxtəlif dərəcəli bədən xəsarətləri ilə xəstəxanaya yerləşdirilib.

Faktla bağlı hüquq-mühafizə orqanları tərəfindən cinayət işi başlanılıb, istintaq tədbirləri aparılır.