Qəbələdə ağır qəza baş verib – VİDEO

Qəbələ rayonunda iki minik avtomobilinin toqquşması ilə nəticələnən ağır yol-nəqliyyat hadisəsi baş verib.

hadiseler.info xəbər verir ki, hadisə ötən axşam saatlarında Qəbələ şəhəri ərazisində qeydə alınıb. Hərəkətdə olan “Opel” markalı iki avtomobilin şiddətlə çırpılması nəticəsində nəqliyyat vasitələrinə ciddi maddi ziyan dəyib.

Qəza zamanı avtomobillərdə olan sərnişinlər – 2010-cu il təvəllüdlü Elcan Əşrəfov, Osman Abdulkərimov və 2007-ci il təvəllüdlü Samin Osmanov müxtəlif dərəcəli bədən xəsarətləri alıblar.

Hadisə yerinə hüquq-mühafizə orqanlarının və təcili tibbi yardımın əməkdaşları cəlb olunublar. Faktla bağlı müvafiq araşdırma aparılır.