Millimiz bu gün iki oyuna çıxacaq

Azərbaycan millisi Bakıda təşkil olunan 15 yaşadək futbolçular arasında FIFA dünya çempionatında bu gün növbəti matçlarına çıxacaq.

hadiseler.info xəbər verir ki, baş məşqçisi Famil Xəlilov olan U-16 yığmamız eyni gündə iki qarşılaşmada mübarizə aparacaq.

Komandamız əvvəlcə saat 12:45-də Andorra seçməsi ilə üz-üzə gələcək. Yığmanın növbəti rəqibi isə saat 19:30-da başlayacaq matçda Avstraliya komandası olacaq. Qeyd edək ki, hər iki qarşılaşma Hövsan Yarış Kompleksinin 10A meydançasında baş tutacaq.

Xatırladaq ki, Azərbaycan millisi mundialdakı ilk oyununda Timor-Leste yığmasını 6:0 hesabı ilə darmadağın etmişdi. Turnirə oktyabrın 30-da yekun vurulacaq.