Azərbaycana güclü yağış, dolu və qar gəlir – XƏBƏRDARLIQ

Azərbaycanda gözlənilən kəskin hava şəraiti ilə bağlı rəsmi xəbərdarlıq edilib.

hadiseler.info xəbər verir ki, Milli Hidrometeorologiya Xidməti məlumat yayıb. Oktyabrın 28-i əsasən şərq rayonlarında, 29-30-da isə bəzi yerlərdə fasilələrlə yağış yağacağı gözlənilir.

Bildirilib ki, ayrı-ayrı yerlərdə yağışın qısamüddətli leysan xarakterli intensiv olacağı, şimşək çaxacağı, dolu düşəcəyi, yüksək dağlıq ərazilərdə isə qar yağacağı ehtimalı var. Qeyd olunan hava şəraiti ilə əlaqədar çaylarda sululuğun artacağı, bəzi dağ çaylarından qısamüddətli daşqın və sel keçəcəyi ehtimal olunur.