Ronaldo 985-ci qolunu vurdu

Səudiyyə Ərəbistanı çempionatının 12-ci turunda “Əl-Nəsr” doğma meydanda “Əl-Xolud”u 5:3 hesabı ilə məğlub edib.

hadiseler.info xəbər verir ki, maraqlı mübarizə şəraitində keçən görüşdə ulduz futbolçu Kriştiano Ronaldo het-trikə imza atıb. O, matçın 66, 72 və 81-ci dəqiqələrində rəqib qapısına yol tapıb. Komandanın digər qollarını isə Qabriel Anqelo və Sadio Mane vurublar.

Bu qarşılaşma Ronaldonun karyerasında 67-ci het-trik kimi yadda qalıb. Portuqaliyalı hücumçu bununla da karyerası ərzində vurduğu qolların ümumi sayını 985-ə çatdırıb.

Qələbədən sonra xallarını 28-ə yüksəldən “Əl-Nəsr” turnir cədvəlində lider “Əl-Qadisiya”ya çatıb. Komanda növbəti matçını noyabrın 6-da səfərdə “Əl-Həzm”ə qarşı keçirəcək.