Azərbaycanda güclü külək əsəcək

Ölkə ərazisində gözlənilən əlverişsiz hava şəraiti ilə əlaqədar xəbərdarlıq edilib.

hadiseler.info xəbər verir ki, bu barədə Milli Hidrometeorologiya Xidməti məlumat yayıb. Bildirilib ki, noyabrın 5-də axşamdan noyabrın 6-da səhərədək Bakıda, Abşeron yarımadasında və bəzi bölgələrdə güclü külək əsəcək.

Məlumata əsasən, gözlənilən hava şəraiti ilə əlaqədar sarı və narıncı xəbərdarlıq verilib:

 Narıncı xəbərdarlıq: Bakı və Abşeron yarımadası, eləcə də Neftçala, Salyan, Hacıqabul, Mingəçevir, Naftalan, Goranboy, Daşkəsən və Ağstafada şimal-qərb küləyinin sürəti 20.8-28.4 m/san-dək güclənəcək.

 Sarı xəbərdarlıq: Kəlbəcər, Laçın, Cəbrayıl, Zəngilan, Quba, Qusar, Xaçmaz, Şabran, Siyəzən, Xızı, Şamaxı, Qobustan, Biləsuvar, Cəlilabad, Lerik, Yardımlı, Qazax, Tovuz, Şəmkir, Gəncə, Samux, Göygöl, Gədəbəy, Şirvan, Yevlax, Tərtər, Ağdam və Bərdədə qərb küləyinin sürəti 13.9-20.7 m/san təşkil edəcək.