Misirdə dəhşətli qatar qəzası: 150-dən çox yaralı var

hadiseler.info xəbər verir ki, Misirin Giza əyalətində iki qatarın toqquşması nəticəsində azı 150 nəfər xəsarət alıb.

Məlumata əsasən, hadisə günorta saatlarında Əl-Əyyat rayonunda, Kəfr-Əmmar və Ər-Rəqqa stansiyaları arasındakı dəmir yolu xəttində baş verib. Qəza nəticəsində dörd vaqon relsdən çıxıb. İlkin məlumata görə, xəsarət alanların əksəriyyətində müxtəlif dərəcəli sınıq və əzilmələr qeydə alınıb.

Hadisə yerinə 50-dən çox təcili tibbi yardım avtomobili cəlb edilib, yaralıların daşınmasında yerli sakinlərin də nəqliyyat vasitələrindən istifadə olunub. Bölgədəki tibb müəssisələri gücləndirilmiş iş rejiminə keçirilib. Qatar qəzasının başvermə səbəbi hələlik açıqlanmayıb.