Odessa raket və dronlarla atəşə tutuldu: 8 nəfər xəsarət aldı

Rusiya Silahlı Qüvvələrinin Odessa vilayətinə gecə saatlarında endirdiyi kütləvi raket-dron zərbələri nəticəsində azı 8 nəfər yaralanıb. Bu barədə Odessa Vilayət Hərbi Administrasiyası məlumat yayıb.

Məlumata görə, hücum zamanı onlarla raket və pilotsuz uçuş aparatından (PUA) istifadə olunub. Zərbələr nəticəsində kritik infrastruktur obyektlərinə və mülki yaşayış binalarına ciddi ziyan dəyib.

Ən böyük dağıntılar Odessa şəhərində qeydə alınıb. Şəhərin iki rayonunda bir neçə yaşayış binası zədələnərək qismən uçub, dinc sakinlərə məxsus çoxsaylı avtomobillər yanaraq yararsız hala düşüb.

Mülki obyektlərə dəyən ziyan qiymətləndirilir

Hadisə yerinə dərhal xilasedicilər və təcili tibbi yardım briqadaları cəlb olunub. Alovun söndürülməsi və dağıntılar altında qalanların xilas edilməsi istiqamətində işlər aparılır.