Çində təbii fəlakət: 1 milyondan çox insan təxliyə olundu, uçuşlar təxirə salınır

Çinin şərq rayonlarında şiddətlənən “Dolfin” tayfunu səbəbindən 1 milyondan çox sakin təhlükəsiz ərazilərə köçürülüb.

hadiseler.info xəbər verir ki, fırtınanın gücü nisbətən zəifləsə də, yerli hakimiyyət orqanları təhlükənin hələ də davam etdiyini bəyan edib.

Məlumata əsasən, fəlakətlə əlaqədar Çjoucziyan əyalətindən 900 mindən artıq, Fucyan bölgəsindən 168 min, Şanxay şəhərindən isə 215 mindən çox şəxs təxliyə edilərək müvəqqəti sığınacaqlara yerləşdirilib.

Mütəxəssislər Fucyan əyalətinin Ninde və Nanpin kimi şəhərlərində şiddətli yağışların davam edəcəyi barədə xəbərdarlıq edirlər.

Təbii fəlakət nəticəsində ciddi dağıntılar baş verib, nəqliyyatın hərəkətində iflic yaranıb. Təkcə Şanxayda 1000-ə yaxın aviareys ləğv olunub.