Sabahın hava proqnozu: Bəzi bölgələrdə şimşək çaxacaq, dolu düşəcək

Azərbaycan ərazisində avqustun 12-nə gözlənilən hava şəraiti açıqlanıb.

hadiseler.info xəbər verir ki, Milli Hidrometeorologiya Xidmətinin məlumatına görə, Bakıda və Abşeron yarımadasında hava dəyişkən buludlu olacaq, əsasən yağmursuz keçəcək. Lakin gündüz bəzi yerlərdə yağış yağacağı ehtimal olunur. Mülayim şimal-qərb küləyi əsəcək. Havanın temperaturu gecə 22-25° isti, gündüz 28-33° isti təşkil edəcək. Atmosfer təzyiqi 758 mm civə sütunu, nisbi rütubət isə gecə 70-75%, gündüz 45-50% olacaq.

Ölkənin rayonlarında isə bəzi yerlərdə arabir yağış yağacağı gözlənilir. Ayrı-ayrı ərazilərdə yağıntıların leysan xarakterli intensiv olacağı, şimşək çaxacağı, dolu düşəcəyi, xüsusən dağlıq və dağətəyi rayonlarda güclənəcəyi gözlənilir. Gecə və səhər dağlarda duman olacaq, şərq küləyi əsəcək.

Havanın temperaturu rayonlarda gecə 22-26° isti, gündüz 32-37° isti, dağlarda isə gecə 14-18° isti, gündüz 20-25° isti təşkil edəcək.