Kolumbiyada kütləvi faciə: 7,4 maqnitudalı zəlzələdə ölənlərin sayısı 250-ni keçdi  

Kolumbiyada baş verən dəhşətli zəlzələ nəticəsində həyatını itirənlərin sayı kəskin şəkildə artaraq 254 nəfərə çatıb.  

hadiseler.info xəbər verir ki, bu barədə xarici KİV-lər yerli xilasetmə və səhiyyə xidmətlərinə istinadən məlumat yayıb.  

Məlumata görə, 7,4 maqnitudalı güclü yeraltı təkanlar ölkənin kofe istehsalı ilə tanınan mərkəzi və qərb regionlarını, xüsusən də Pereyra və Kali şəhərlərini viran qoyub. Təbii fəlakət zamanı 2 500-dən çox insan müxtəlif dərəcəli bədən xəsarətləri alıb, mindən çox bina və mənzil dağılaraq torpaqla bir olub.  

Dağıntılar altında qalanların xilasedilməsi üçün hərbçilər, xilasedicilər və könüllülər cəlb olunub, axtarış-xilasetmə əməliyyatları aramsız davam etdirilir. Ölənlərin sayının daha da artacağı istisna edilmir.