Gəncədə zibil poliqonunda ölü döl tapıldı — Prokurorluq araşdırmaya başladı

Gəncədə məişət tullantıları poliqonunda ölü dölün tapılması faktı ilə bağlı rəsmi təhqiqata başlanılıb.

hadiseler.info xəbər verir ki, Baş Prokurorluğun Mətbuat xidməti Cavadxan qəsəbəsindəki zibil poliqonunda ölü dölün aşkar edilməsi ilə bağlı Gəncə şəhər prokurorluğunda araşdırma aparıldığını bildirib.

Prokurorluq əməkdaşları tərəfindən hadisə yerinə baxış keçirilib və məhkəmə-tibbi ekspertizası təyin olunub. Araşdırmaların nəticəsindən asılı olaraq hadisəyə hüquqi qiymət veriləcək.