Zaqatalada iki avtomobil toqquşdu

Zaqatala rayonunda ölümlə nəticələnməyən, lakin xəsarətlərlə müşayiət olunan yol-nəqliyyat hadisəsi baş verib.

hadiseler.info xəbər verir ki, qəza zamanı xəsarət alan 3 nəfər Muxax kənd sakinidir. Qəza nəticəsində “VAZ 2107” markalı avtomobilin sürücüsü, 39 yaşlı Abdulla Musa oğlu Yusubov və onun sərnişinləri — 29 yaşlı Aytac İsmayıl qızı Səfərova ilə 26 yaşlı Aygül Şahin qızı Hacıömərova müxtəlif dərəcəli bədən xəsarətləri alıblar.

Yüngül xəsarət alan sürücü A.Yusubova ilkin tibbi yardım göstərildikdən sonra амбулатор müalicə üçün evə buraxılıb. Digər iki yaralının müalicəsi isə xəstəxanada davam etdirilir.