Paşinyan Moskvadakı səfiri geri çağırır

hadiseler.info “Joqovurd” nəşrinə istinadən xəbər verir ki, Ermənistan Baş naziri Nikol Paşinyan İrəvanın Rusiyadakı fövqəladə və səlahiyyətli səfiri Qurgen Arsenyanı geri çağırmaq qərarına gəlib.

Məlumata görə, bu qərarın başlıca səbəbi səfirin diplomatik fəaliyyətindən duyulan narazılıqdır. Hazırda Arsenyanın yerinə kimin təyin ediləcəyi barədə məlumat verilmir.

Qeyd edək ki, Qurgen Arsenyan 2024-cü ilin avqust ayında Ermənistanın Rusiyadakı səfiri vəzifəsinə təyin olunmuşdu.