Azərbaycan və Özbəkistan aviareyslərin sayını həftədə 40-a çatdırır

Özbəkistan və Azərbaycan iki ölkə arasında həyata keçirilən aviareyslərin sayını həftədə 40-a çatdırmağı hədəfləyir.

hadiseler.info xəbər verir ki, bu barədə Özbəkistanın nəqliyyat naziri İlxom Maxkamov “Özbəkistan 24” telekanalına müsahibəsində bildirib.

Nazirin sözlərinə görə, hazırda ölkələr arasında həftədə 18 aviareys yerinə yetirilir və bu göstəricinin 40-a çatdırılması barədə tapşırıq verilib.

İlxom Maxkamov əlavə edib ki, avqustun 23-də Daşkənddə keçirilən ali səviyyəli danışıqların yekunlarına əsasən, Azərbaycan və Özbəkistan Orta Dəhlizin infrastrukturunun inkişafı, birgə müəssisələrin yaradılması və bərə əlaqəsinin bərpa edilməsi barədə razılıq əldə ediblər. Nazir vurğulayıb ki, bu istiqamətdə praktiki işlər davam etdiriləcək.