Qəbul ola bilməyənlərə şans: Vakant yerlərə ixtisas seçiminin tarixi bəlli oldu

Ali təhsil müəssisələrinə qəbul ola bilməyən abituriyentlər üçün vakant plan yerləri üzrə ixtisas seçiminin keçiriləcəyi tarix rəsmən açıqlanıb.

hadiseler.info Dövlət İmtahan Mərkəzinə (DİM) istinadən xəbər verir ki, ali məktəblərin boş qalan yerlərinə ixtisas seçimi avqustun 28-dən sentyabrın 2-dək internet vasitəsilə həyata keçiriləcək.

Abituriyentlər elektron ərizədə ali təhsil müəssisələrinin vakant plan yerləri ilə yanaşı, orta ixtisas təhsili müəssisələrinin (kolleclərin) ixtisas kodlarını da qeyd edə biləcəklər.

Qeyd edək ki, ali məktəblərdə boş qalan plan yerlərinin tam siyahısı yaxın günlərdə işıq üzü görəcək “Abituriyent” jurnalının 7-ci sayında dərc olunacaq.