Paşinyan: “Ermənistan və Azərbaycan xalqları ən yaxşı sülhməramlılardır”

Ermənistanın baş naziri Nikol Paşinyan ölkə parlamentində müxalifət fraksiyalarının ünvanına kəskin bəyanatlarla çıxış edib.

hadiseler.info xəbər verir ki, bu barədə “İnterfaks” nəşri məlumat yayıb.

Hökumət başçısı “Ermənistan” və “Güclü Ermənistan” fraksiyalarına müraciət edərək, yerli müxalifətin KTMT sülhməramlılarını ölkəyə gətirmək niyyətində olduğunu bildirib. Paşinyan ölkədə hər hansı xarici sülhməramlı qüvvələrin yerləşdirilməyəcəyini qətiyyətlə vurğulayıb.

Baş nazir qeyd edib ki, artıq sülh təmin olunduğu üçün xarici kontingentə ehtiyac yoxdur və bu prosesdə ən yaxşı sülhməramlı rolunu elə Ermənistan və Azərbaycan xalqlarının özləri oynayır.