Mehriban Əliyeva yeni uşaq bağçasının açılışında-FOTOLAR

Bakının Nəsimi rayonundakı 352 saylı körpələr evi-uşaq bağçası Heydər Əliyev Fondunun dəstəyi ilə əsaslı təmir edilərək istifadəyə verilib.

hadiseler.info xəbər verir ki, açılış mərasimində Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyeva, qızları Leyla Əliyeva və Arzu Əliyeva iştirak ediblər. Fondun icraçı direktoru Anar Ələkbərov aparılan yenidənqurma işləri haqqında məlumat verib.

Müəssisədə əsaslı təmir işləri ilə yanaşı, eşitmə qabiliyyəti pozulmuş uşaqlar üçün 36 yerlik ikimərtəbəli əlavə korpus inşa olunub. Bağça uşaqların məktəbəqədər təhsil və tərbiyəsi üçün lazımi avadanlıqlar, surdoloq kabinetləri, musiqi və rəqs zalları, habelə açıq havada idman meydançaları ilə tam təmin edilib.