Elektrik cərəyanı iki nəfərin həyatına son qoydu

Bakının Sabunçu və Binəqədi rayonlarında ölüm ilə nəticələnən iki ayrı-ayrı elektrik vurması hadisəsi baş verib.

hadiseler.info xəbər verir ki, ilk hadisə Sabunçu rayonunun Ramana qəsəbəsində qeydə alınıb. Kamera quraşdıran 36 yaşlı Əlabbas Niftalıyevi elektrik cərəyanı vurub. O, xəstəxanaya çatdırılsa da, həyatını xilas etmək mümkün olmayıb.

Digər faciəvi hadisə isə Binəqədi rayonunda yerləşən poladtökmə zavodunda baş verib. Zavodun əməkdaşı, 46 yaşlı Mərdan Əhmədov iş zamanı elektrik cərəyanı vurması nəticəsində dünyasını dəyişib.

Hər iki faktla bağlı hüquq-mühafizə orqanları tərəfindən araşdırma aparılır.