“Laçın” Ticarət Mərkəzində satıcı ilə müştəri əlbəyaxa oldu 

Bakının Nizami rayonunda yerləşən ticarət mərkəzində satıcı ilə müştəri arasında qalmaqal baş verib.

hadiseler.info “Teleqraf”a istinadən xəbər verir ki, hadisə “Laçın” Ticarət Mərkəzindəki “Nur” gəlinlik salonunda qeydə alınıb. Bakı şəhər sakini Afət Babayeva gəlini ilə birlikdə gəlinlik seçməyə gələrkən mağazanın satıcısı, 1986-cı il təvəllüdlü Aysu Əliyeva ilə aralarında mübahisə yaranıb.

Müştərinin sözlərinə görə, bəyənmədiyi libası çıxardıqdan sonra satıcı onun sağ qol nahiyəsini bərk çimdikləyərək xəsarət yetirib. Satıcı Aysu Əliyeva isə ittihamı rədd edərək, müştəridən xoşagəlməz qoxu gəldiyi üçün aralarında mübahisə düşdüyünü bildirib. 3 il qaydasız döyüşlə (MMA) məşğul olduğunu vurğulayan satıcı, fiziki zorakılıq tətbiq etmədiyini iddia edib.

Aysu Əliyeva barəsində İnzibati Xətalar Məcəlləsinin 157-ci maddəsi ilə iş qaldırılsa da, Nizami Rayon Məhkəməsinin qərarı ilə qanunla nəzərdə tutulmuş inzibati məsuliyyətə cəlbetmə müddəti keçdiyinə görə icraata xitam verilib.