Bakı-Naxçıvan aviareysləri təxirə salındı – AZAL-dan rəsmi açıqlama

“Azərbaycan Hava Yolları” QSC-nin (AZAL) bu günə nəzərdə tutulan bir sıra Bakı-Naxçıvan-Bakı reysləri əlverişsiz hava şəraiti səbəbindən təxirə salınıb.

hadiseler.info xəbər verir ki, aviareyslərin təxirə salınmasına regionda müşahidə olunan ildırımlı hava şəraiti səbəb olub.

AZAL-dan bildirilib ki, Naxçıvan Muxtar Respublikasının dağlıq relyefi, güclü külək və ildırım aktivliyi eniş və qalxma mərhələlərində əlavə risklər yaradır. Beynəlxalq aviasiya təhlükəsizliyi standartlarına uyğun olaraq qəbul edilən bu qərardan sonra sərnişinlərin hava şəraiti sabitləşdikdən sonra uçuşların icrası və mümkün dəyişikliklər barədə ətraflı məlumatlandırılacağı qeyd olunub.