Bu tələbələrə 2000 manat mükafat veriləcək

“YAŞAT” Fondu 2026–2027-ci tədris ili üzrə ali təhsil müəssisələrinə qəbul olunan şəhid ailəsi üyələrinə və müharibə əlillərinə 2000 AZN məbləğində pul mükafatı təqdim edəcək.

hadiseler.info xəbər verir ki, bu barədə Fond rəsmi məlumat yayıb. Tədbirlər çərçivəsində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev həmin şəxslərlə görüşüb.

Mükafatı əldə etmək üçün tələbələr Dövlət İmtahan Mərkəzi vasitəsilə qəbul imtahanında 400 və yuxarı, subbakalavr pilləsində 90 və yuxarı bal toplayaraq ali məktəbə qəbul olunmalı, ya da dünya reytinqində ilk 1000-likdə yer alan universitetlərdən birinə daxil olmalıdırlar. Müraciətlər üçün son tarix 31 oktyabr 2026-cı ildir. Şəhid ailəsi üyələri və müharibə əlilləri ətraflı məlumatı “YAŞAT” Fondunun 8110 Çağrı Mərkəzi vasitəsilə ala bilərlər.