Alen Simonyan Bakıya gələ bilər

Ermənistan Təhlükəsizlik Şurasının katibi Alen Simonyan Azərbaycana ehtimal olunan səfəri ilə bağlı açıqlama verib.

hadiseler.info xəbər verir ki, İrəvan və Bakının həll olunmamış məsələlər üzərində işi davam etdirmək barədə razılığa gəldiyini bildirən A.Simonyan Bakıya səfərini istisna etməyib.

O, Azərbaycanın sülh prosesini dərinləşdirmək üçün praktik istəyinin və lazımi səylərinin olduğunu vurğulayıb. Daha əvvəl Dilicanda Ermənistan Təhlükəsizlik Şurasının keçmiş katibi Armen Qriqoryanla Azərbaycan Prezidentinin köməkçisi Hikmət Hacıyev arasında görüşün keçirildiyini xatırladan Simonyan, analoji görüş çərçivəsində Bakıya gələ biləcəyini, lakin hazırda konkret tarix və detalların olmadığını diqqətə çatdırıb.