İran Hörmüz boğazını bağladığını bəyan etdi

İran Ali Milli Təhlükəsizlik Şurasının katibi Möhsün Rezai Hörmüz boğazının gəmiçilik üçün tamamilə bağlandığını bildirib.

hadiseler.info xəbər verir ki, bu barədə İranın “Press TV” telekanalı məlumat yayıb.

Möhsün Rezainin sözlərinə görə, İran hərbçiləri boğazdan keçməyə cəhd göstərən ABŞ gəmilərinə atəş açır, lakin ekoloji fəsadların qarşısını almaq üçün onları batırmamaq haqqında qərar qəbul edilib. İran rəsmisi bildirib ki, neft daşıyan ABŞ gəmilərinin batırılması regionun ətraf mühitinə ciddi zərər vura biləcəyi üçün bu addımdan çəkinilir.

Qeyd edək ki, “Financial Times” nəşri ABŞ-nin Hörmüz boğazını minalardan təmizləmək məqsədilə dörd ay ərzində xüsusi təyinatlı dalğıclar, robotlaşdırılmış qayıqlar və sualtı aparatlardan istifadə etməklə gizli əməliyyat həyata keçirdiyini xəbər verib.