Abşeronda ard-arda oğurluqlar edən keçmiş məhkum saxlanıldı

Abşeron rayonunda çoxsaylı oğurluq əməlləri törədən şəxs polis əməkdaşları tərəfindən ifş olunub.

hadiseler.info xəbər verir ki, Daxili İşlər Nazirliyinin (DİN) yaydığı məlumata əsasən, rayon ərazisində müxtəlif vaxtlarda 6 avtomobildən pul, mobil telefonlar, səsgücləndiricilər və digər qiymətli əşyalar oğurlanıb.

Abşeron Rayon Polis İdarəsi əməkdaşlarının keçirdiyi əməliyyat-axtarış tədbirləri nəticəsində cinayət əməllərini törətməkdə şübhəli bilinən, əvvəllər məhkum olunmuş 32 yaşlı C.Mikayılov müəyyən edilərək saxlanılıb. Araşdırmalar zamanı onun həmçinin rayon ərazisindəki iki marketdən də oğurluq etdiyi üzə çıxıb. Faktlarla bağlı araşdırmalar davam etdirilir.