Ali Məhkəmənin hakimi təqaüdə göndərildi

Ali Məhkəmənin Cinayət kollegiyasının hakimi Şahin Yusifov təqaüdə yola salınıb.

Hadisələr.info xəbər verir ki, bu münasibətlə keçirilən tədbirdə Ali Məhkəmənin və Məhkəmə-Hüquq Şurasının sədri İnam Kərimov çıxış edərək Ş.Yusifovun məhkəmə-hüquq sistemindəki uzunillik fəaliyyətini yüksək qiymətləndirib.

1961-ci il təvəllüdlü Şahin Yusifov prokurorluq və məhkəmə orqanlarında zəngin iş təcrübəsinə malikdir. O, 2007-ci ildən Ali Məhkəmənin hakimi, 2010–2020-ci illərdə isə Ali Məhkəmənin Cinayət Kollegiyasının sədri vəzifələrində çalışıb. Ş.Yusifov Prezident İlham Əliyevin sərəncamları ilə “Tərəqqi” medalı və II dərəcəli “Vətənə xidmətə görə” ordeni ilə təltif edilib.

Tədbirdə onun zəngin təcrübəsinin gənc hüquqşünasların və yeni nəsil hakimlərin yetişməsində mühüm rol oynayacağı vurğulanıb.