“Azərbaycan-Ermənistan sülh prosesindəki irəliləyişlər region üçün böyük əhəmiyyət kəsb edir”

Gürcüstanın xarici işlər naziri Maka Boçorişvili Azərbaycan və Ermənistan arasında davam edən sülh prosesi barədə fikirlərini bölüşüb.

hadiseler.info xəbər verir ki, bu barədə nazir BMT-nin Sülh Quruculuğu Komissiyasının Nazirlər Şurasının iclasındakı çıxışı zamanı bəyan edib.

Maka Boçorişvili çıxışında vurğulayıb: “Azərbaycan və Ermənistan arasında sülh prosesində əldə olunan son irəliləyişlər hər iki ölkə ilə yanaşı, bütövlükdə Cənubi Qafqaz regionu üçün böyük əhəmiyyət kəsb edir. Daha dinc, sabit və proqnozlaşdırıla bilən Cənubi Qafqaz iqtisadi inkişaf, investisiya axını, tərəfdaşlıq və regional kommunikasiyaların güclənməsi üçün geniş imkanlar açacaq”.

Gürcüstan XİN rəhbəri, həmçinin regionda təhlükəsizlik və sabitliyin möhkəmlənməsinin Cənubi Qafqaz dövlətlərinin ümumi iqtisadi tərəqqisinə mühüm töhfə verəcəyini diqqətə çatdırıb.