Azərbaycan qazının Bolqarıstana tədarükünün genişləndirilməsi müzakirə olunub

Azərbaycanın xarici işlər naziri Ceyhun Bayramov BMT Baş Assambleyasının 81-ci sessiyası çərçivəsində Bolqarıstanın xarici işlər naziri Velislava Petrova ilə görüşüb.

hadiseler.info xəbər verir ki, bu barədə Azərbaycan Xarici İşlər Nazirliyi “X” sosial şəbəkə hesabında məlumat yayıb.

Tərəflər iki ölkə arasındakı strateji tərəfdaşlıq gündəliyini, o cümlədən siyasi dialoqun dərinləşdirilməsini, enerji sahəsində əməkdaşlığı, Azərbaycan təbii qazının Bolqarıstana tədarükünün genişləndirilməsini və bərpaolunan enerji layihələrini ətraflı müzakirə ediblər. Görüşdə, həmçinin Orta Dəhliz vasitəsilə nəqliyyat və əlaqələndirmə məsələləri, Azərbaycan-Avropa İttifaqı əməkdaşlığı və regionda cərəyan edən proseslər ətrafında fikir mübadiləsi aparılıb.