Azərbaycanda bəzi məktəblərin adları dəyişdirildi – Siyahı açıqlandı

Azərbaycanda bəzi təhsil müəssisələrinin adları dəyişdirilib.

hadiseler.info xəbər verir ki, bununla bağlı elm və təhsil naziri Emin Əmrullayev müvafiq qərar imzalayıb. Qərara əsasən, Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin tabeliyindəki Quba rayonunda yerləşən bir sıra məktəbəqədər və ümumi təhsil müəssisələrinin adları yenilənib.

Dəyişikliyə əsasən:

 Məktəbəqədər təhsil müəssisələri üzrə Timiryazev adı Bəhrəli, Alekseyevka isə Çinarlı ilə əvəz edilib.

 Ümumi təhsil müəssisələri üzrə isə Vladimirovka adı Elbir, Alekseyevka isə Çinarlı adlandırılıb.

Xatırladaq ki, bu dəyişiklik Prezident İlham Əliyevin iyunun 1-də Quba rayonunun bəzi ərazi vahidlərinin adlarının dəyişdirilməsi haqqında imzaladığı qanuna uyğun olaraq həyata keçirilib.