Bakıda 6 yeni ekspres xətt fəaliyyətə başladı – SİYAHI

Bakıda metro xətlərinin ayrılması layihəsi çərçivəsində sərnişinlərin rahat və fasiləsiz daşınmasını təmin etmək məqsədilə 6 yeni ekspres avtobus marşrutu xəttə buraxılıb.

hadiseler.info xəbər verir ki, “Bakı Metropoliteni” QSC tərəfindən həyata keçirilən yenidənqurma işləri ilə əlaqədar avqustun 15-dən “28 May” və “Nizami” stansiyaları arasında qatarların hərəkəti müvəqqəti olaraq saxlanılacaq.

Sərnişin sıxlığının qarşısını almaq üçün Azərbaycan Yerüstü Nəqliyyat Agentliyi (AYNA) tərəfindən aşağıdakı istiqamətlər üzrə yeni ekspres xətlər təşkil edilib:

 M1: “Elmlər Akademiyası” – “28 May”

 M2: “İnşaatçılar” – “Nizami” – “28 May”

 M3: “20 Yanvar” – “Nizami” – “28 May”

 M4: “20 Yanvar” – “Koroğlu”

 M5: “20 Yanvar” – “Gənclik”

 M6: “Elmlər Akademiyası” – “Gənclik”

Bununla yanaşı, tələbatın çox olduğu 2, 6, 7A, 9, 10, 14, 17, 18, 26, 61, 65, 79, 85, 88, 88A, 93, 133, 165, 199 və 202 nömrəli müntəzəm marşrutlar üzrə avtobusların sayı artırılıb.

Eyni zamanda, avqustun 13-dən “28 May” Nəqliyyat Mübadilə Mərkəzinə daxil olan bəzi xətlərin son dayanacaqları dəyişdirilib. 32 və 49 nömrəli marşrutların son dayanacağı Dilarə Əliyeva küçəsi, 120E və 125 nömrəli marşrutların son nöqtəsi isə Puşkin küçəsi müəyyən edilib.